Buhari appoints new service chiefs
President Muhammadu Buhari don appoint new Service Chiefs wey be di heads of Nigeria military defence.
Di new service chiefs wey go now control di Nigerian Armed Forces na:
Major-General Lucky E.O Irabor, Chief of Defence Staff
Major-General Ibrahim Attahiru, Chief of Army Staff
Rear Admiral Awwal Zubairu Gambo, Chief of Naval Staff
Air-Vice Marshal Ishiaka Oladayo Amao, Chief of Air Staff.
Presido Buhari congratulate di outgoing Service Chiefs on efforts to bring enduring peace to di kontri.
Tori be say Buhari on Tuesday accept di immediate resignation of di Service Chiefs and approve dia retirement from service.
L-R: Major-General I. Attahiru, Chief
of Army Staff (left), Air-Vice Marshal I.O Amao, Chief of Air Staff. (centre
left), Major-General Lucky E.O Irabor, Chief of Defence Staff(center-right) and
Rear Admiral A.Z Gambo, Chief of Naval Staff (right).
Major-General L.E.O Irabor, go replace General Abayomi Olonisakin wey don serve as Chief of Defence Staff since July 2015.
Rear Admiral A.Z Gambo, go replace Vice Admiral Ibok-Ete Ekwe Ibas wey don serve as Chief of Naval Staff since July 2015.
Air-Vice Marshal I.O Amao, go replace Air Marshal Sadique Abubakar wey don serve as Chief of Air Staff since July 2015.
Major-General I. Attahiru, go replace Lieutenant General Tukur Yusuf Buratai wey don serve as Chief of Army Staff since July 2015.
Buhari and di old Service Chiefs for inside one meeting for Presidential
Villa Abuja in 2020
Na on 13 July, 2015 (four years and six months ago) na im Buhari bin appoint all di service chiefs wey resign today.
Sake of tension and security concerns wey dey di west African kontri for some time now, intrest groups don dey mount presure on President Buhari to sack dem tey tey.
Dis new Service Chiefs get hard task ahead to keep Nigeria safe, secure and united.
We eye still dey dis tori wey just land and we go bring una more as e dey comot. Make una load di page again to see di full tori
Post a Comment